Siglir tar il cuntegn
Inhalt

Exteriur Disgrazia da tren: Passa dubel uschè spert sco lubì

Il tren ch’è ì sur ils binaris en il stadi american da Washington era bler memia spert da viadi. Sin il traject nua ch’igl è lubì 48 km/h, charrava il tren para cun 128 km/h, communitgescha l’autoritad da traffic americana.

Il tren è ì sur ils binaris ora e crudà sin ina via sperta.
Legenda: Il tren è ì sur ils binaris ora e crudà sin ina via sperta. Keystone

Tar la disgrazia en il sidost da Seattle èn mortas 3 persunas, 77 ulteriuras èn vegnidas blessadas. Plirs vaguns èn crudads sur ina punt e crudads sin ina via sperta cura ch’il tren è ì sur ils binaris ora en in caraun. Tschintg autos e dus camiuns èn vegnids donnegiads.

Il tren è charrà per la prima giada sin il traject ch’era vegnì renovà. Novas locomotivas, binaris pli moderns ed ina meglra tecnica da signal avessan gì da scursanir il viadi tranter Seattle e Portland.

RR novitads 11:00