Siglir tar il cuntegn

Exteriur Disgrazia da Loveparade a Duisburg vegn avant dretgira

La disgrazia da la Loveparade a Duisburg è tuttina in cas per la dretgira. Quai ha decis la dretgira superiura a Düsseldorf. Avant in onn aveva la preinstanza anc refusà d’accusar 10 persunas pervi da omicidi accidental e blessura corporala involuntara.

Purtret da persunas che stattan davant la tabla cun candailas davantvart.
Legenda: Al lieu da la disgrazia penda ina tabla che duai commemorar a las unfrendas. Keystone

Set onns suenter la disgrazia da la Loveparade a Duisburg sto la disgrazia tuttina vegnir elavurada avant dretgira. Il 2010 èn 21 persunas mortas d’ina panica da massa a la parada. Passa 600 èn vegnidas blessadas. La dretgira da Duisburg aveva decis da na betg accusar las 10 persunas che duain esser responsablas, quai perquai che las schanzas sin success sajan memia pitschnas. Qua han la procura publica e divers accusaders accessorics reclamà.

La dretgira superiura è da l'avis ch'ina sentenzia da las persunas pervi da mazzament per negligientscha e blessuras corporalas tras negligientscha saja probabla.

Las retschertgas hajan mussà ch'il motiv probabel per la catastrofa sajan stadas la dimensiun mengia pitschna dal lieu e che las entradas e sortidas na sajan betg stadas concipidas bain durant la Loveparade 2010.

RR novitads 15:00