En l'avegnir vul la NATO puspè discurrer pli regularmain cun la Russia. El spetgia ch'els s'inscuntrian puspè, ha ditg il secretari general da la NATO, Jens Stoltenberg suenter l'emprima seduta dapi 2 onns dal cussegl NATO-Russia. Las pli actualas discussiuns sajan stadas avertas e seriusas. Stoltenberg ha dentant era accentuà che la relaziun cun la Russia sa normaliseschia il mument betg pervi da la crisa en l'Ucraina.
Ils discurs han gì lieu en furma dad ina sesida dals ambassadurs a Brüssel. Tematisà èn vegnids il conflict en l'Ucraina, la situaziun en l'Afganistan ed il cumbat cunter il terrorissem.
L’ultim inscunter era stà il 2014 en connex cun l’annexiun da la Crim entras la Russia.
RR novitads 11:00/15:00