Siglir tar il cuntegn

Header

cuntegn

Exteriur Discurs tranter la Corea dal Nord e la Corea dal Sid

En vista als gieus olimpics d'enviern en la Corea dal sid ha Seoul offrì a la Corea dal Nord discurs sin il pli aut stgalim diplomatic. Ils inscunter duai avair lieu ils 9 da schaner, tant il minister da reuniun Cho Myong Gyon.

Il discurs duai tractar la pussaivla participaziun da la Corea dal Nord als gieus olimpics, ma era tractar temas per il meglierament da las relaziuns bilateralas.

En ses pled da Bumaun ha il regent da la Corea dal nord, Kim Jong Un declerà che la relaziun tranter la Corea dal Nord e dal Sid stoppia vegnir meglra. El aveva er proponì da trametter ina delegaziun als gieus Olimpics a Pyeongchang.

Emprim discurs dapi dus onns

Sche il inscunter ha lieu ils 9 da schaner fiss quai l'emprim inscunter tranter la regenza dals dus pajais dapi passa dus onns. Il davos temp eran las tensiuns tranter ils pajais puspè vegnidas pli fermas pervia da il rearmament e las smanatschas envers la Corea dal Sid ed ils Stadis Unids da la Corea dal Nord.

RR novitads 07:00

Artitgels legids il pli savens