A Genevra han cumenzà ils discurs davart l'avegnir da la Libia. Omaduas partidas da conflict sajan da la partida tar la nova runda da tractativas, uschia l'incumbensà da l'ONU per la Libia, Bernardino Léon.
La finamira dals discurs saja da chattar ina cunvegna per ina regenza unitara fin il settember.
Er represchentants dal parlament, che vegn controllà da milissas islamisticas, sa participeschian als discurs. Il fanadur avevan els anc boicottà quels.
En il pajais regia dapi 4 onns ina guerra civila. 2 differentas regenzas cumbattan per la pussanza.
