Il president dal parlament da l’Uniun europeica Martin Schulz ha crititgà cun vehemenza il svilup politic en la Tirchia. La politica dal president Recep Tayyip Erdogan na giaja betg a prà cun las valurs da basa europeicas.
Uschia sajan discurs davart in’adesiun da la Tirchia a l’UE strusch pussaivels. Quai ha Schulz ditg a la gasetta «Kölner Stadt-Anzeiger».
Plinavant ha el suttastritgà che la Tirchia stoppia ademplir tut las cundiziuns per ch’il parlament possia cuntinuar ils discurs davart la libertad da visa per Tircs.