Siglir tar il cuntegn

Exteriur Dis pli paschaivels en l’Ucraina da l’Ost

Las partidas da conflict en l'Ucraina da l'Ost vulan chalar da cumbatter durant ils firads da Nadal.

In separatist pro-russ en la regiun da Donezk, il cumenzament dal december.
Legenda: In separatist pro-russ en la regiun da Donezk, il cumenzament dal december. Keystone

Ellas sajan sa cunvegnidas ad in armistizi senza cundiziuns. Quai ha declerà l'Organisaziun per segirtad e collavuraziun en l'Europa OSCE suenter discurs a Minsk. Er ils separatists sustegnids da la Russia e la regenza ucranaisa han confermà la cunvegna.

L’armistizi cumenzia la notg dals 22 als 23 da december, a l’Ucraina laschà savair. E quest’iniziativa saja necessaria cunzunt per ils avdants dal Donbass, per che quels possian festivar en pasch Nadal e Bumaun.

Atgnamain vala en l'Ucraina da l'ost gia dapi il settember in armistizi. Il davos temp avevi dentant adina puspè dà cumbats.

RR Novitads 06:00