Siglir tar il cuntegn
Inhalt

Exteriur Dilma Rousseff vul cumbatter per ses uffizi

Suenter ch'il parlament da la Brasilia ha decidì da relaschar la presidenta, ha lezza annunzià da cumbatter per ses post. Ella saja indignada da quest votum da la chombra da represchentants.

purtret da la presidenta da la Brasilia Dilma Rousseff
Legenda: Dilma Rousseff vul cumbatter cun temperament per ses uffizi Keystone

Rousseff ha annunzià da vulair cumbatter per restar en uffizi. La presidenta ha ditg en in'intervista da televisiun ch'è vegnida emessa live ch'ella haja forza, curaschi e temperament. Ella refusa elecziuns novas ed ha danovamain numnà l'agir da ses adversaris in culp da stadi. Ella saja l'unfrenda d'ina gronda malgistadad.

La dumengia ha la chombra da represchentants decidì cun ina maioritad da passa dus terzs ina procedura da relaschada d'uffizi. Sco proxim è il senat vidlonder. El ha er da decider sche Rousseff vegn suspendida per 180 dis sco presidenta da la Brasilia.

RR novitads 6:00