Siglir tar il cuntegn
Inhalt

Exteriur Di da la populaziun mundiala: Sch'il mund fiss in vitg...

Ils 11 da fanadur è il di da la populaziun mundiala. Ma, co guardass quai or sch'il mund fiss n'avess betg 7,5 milliardas abitants mabain fiss in vitg cun 100 persunas? Quants umens? Quantas dunnas? Quants Asiats e quants americans vivessan en quest vitg?

Oz è il di da la populaziun mundiala. Mintg'onn vegn fatg endament quai di, quants umans che vivan sin il mund. E quai èn per il mument radund 7,5 milliardas. La populaziun crescha ad in crescher, en media survegn numnadamain mintga dunna 2,5 uffants. Mintga di vegnan rodund 230'000 persunas vitiers. Quai èn mintga secunda circa 2,6 persunas, mintga minuta bunamain 150 persunas e mintg'ura radund 10'000 persunas.

T'imagina...

In zic in'autra perspectiva dat quai sch'ins s'imagina ch'il mund fiss in vitg cun be 100 persunas. Lura fissan 60 da quellas persunas Asiats, be 10 Europeans, 13 Americans, 16 Africans ed ina persuna da la regiun da l'Oceania. 10 fissan analfabets, 16 n'avessan nagin attatg ad electricitad, 11 fissan sutnutrids, n'avessan nagin access ad aua da baiver ed er nagin access a medischina.

RR actualitad 11:00