Siglir tar il cuntegn
cuntegn

Exteriur Destruiders al mausoleum en Mali avant curt penala

Ils Islamists ch'han destruì il 2012 ils mausoleums a Timbuktu en il Mali duain sa responsar avant la curt penala internaziunala a Den Haag. Quai pretenda la directura generala da l'UNESCO Irina Bokova.

rument e crappa
Legenda: Las restanzas d'in mausoleum dal patrimoni mundial da l'UNESCO a Timbuktu suenter las attatgas. Reuters

La destrucziun dal bain cultural valia sco crim da guerra, uschia Bokova tar ina visita en il Mali.

piramida d'arschiglia cun ritschas da lenn orizontalas
Legenda: Ina structura d'arschiglia tradiziunala dal patrimoni mundiail da l'UNESCO, avant las attatgas. Reuters

Cumbatants islamistics avevan destruì avant 3 onns plirs mausoleums a Timbuktu che tutgan tar il patrimoni mundial da l'UNESCO. Il mument vegnan quels reconstruids sut la direcziun da l'UNESCO.

RR novitads 11:00