Siglir tar il cuntegn

Header

Navigaziun

Ina fossa destruida a Timbuktu en il Mali.
Legenda: In dals monuments destruids a Timbuktu en il Mali. Keystone
cuntegn

Exteriur Destrui patrimoni mundial: Sentenzia da la curt penala a Den Haag

La Curt penala internaziunala a Den Haag ha sentenzià in dschihadist a nov onns praschuns per avair devastà en il Mali bajetgs dal Patrimoni cultural mundial da l'UNESCO.

La Curt penala internaziunala ha uschia sentenzia per l’emprima giada in dschihadists per destrucziuns da bajetgs. Vinavant è l'accusà vegnì pledà culpant da crims da guerra. Il gremi haja decidì unanimamain ha accentuà in dals derschaders.

Il dschihadist aveva confessà ses delicts ed era rugà per perdun la populaziun dal Mali. Il 2012 aveva la millissa terroristica Ansar Dine devastà ina moschea e fossas sco era commess plirs ulteriurs crims da guerra.

RR novitads 14:00