Siglir tar il cuntegn

Exteriur Demos cunter Macedonia ad Athen

D'ina manifestaziun gronda ad Athen han plirs 100 millis demonstrants pretendì il dretg exclusiv da la Grezia sin il num Macedonia. «Macedonia è grec e mo grec» han els pretendì. Clamà a la demonstraziun avevan organisaziuns naziunalisticas e religiusas.

Ina dunna observa la demonstraziun davent da ses balcun.
Legenda: Ad Athen èn plirs 100 millis persunas stadas a demonstrar per il num Macedonia. Keystone

La dispita pervi dal num dal pajais vischin, dura gia dapi il 1991. La Grezia na vul betg ch'il pajais vischin haja num tuttina sco l'atgna provinza en il nord dal pajais, ed era betg ch'il num Macedonia cumparia en x-ina furma en il num dal pajais vischin.

Il davos temp aveva in intermediatur da l'ONU preschentà tschintg propostas che cuntegnan tuttas il num Macedonia, tranter auter Nord-Macedonia u Nova-Macedonia.

RR novitads 18:00