Siglir tar il cuntegn
cuntegn

Exteriur Demonstraziuns per demissiun dal schef da la regenza malaisiana

En la Malaisia han millis da demonstrants pretendì la demissiun dal schef da la regenza, Najib Razak. Quai pervia da l'affera da corrupziun en connex cun il fond da stadi 1MDB.

Protestants pendan si in placat da caricatura dal schef da regenza.
Legenda: Protestants pendan si in placat da caricatura dal schef da regenza. Keystone

Il prim-minister Najib stat dapi passa in onn sut squitsch perquai ch'el duai avair laschà svanir daners ord il fond statal da la Malaisia.

Er la procura publica svizra investighescha en chaussa. I va per manipulaziuns che pudessan er pertutgar la plazza da finanzas svizra.

Najib ha adina refusà las rinfatschas e discurrì d'in cumplot.

RR novitads 09:00