Siglir tar il cuntegn
Inhalt

Exteriur Demonstraziuns cunter sistem privat da cassas da pensiun en Chile

Tschientmilli persunas han protestà en il Chile cunter las cassas da pensiun privatas. Els pretendan ina midada dal sistem ma er rentas pli autas. En Chile administreschan sis interpresas privatas radund 160 milliardas francs daners da cassas da pensiun.

Ina bandiera davos vesan ins ina gronda massa da persunas.
Legenda: Las grondas fullas da protesta en la chapitala Santiago de Chile. Keystone

Tschientmilli persunas èn sa participadas als marschs da protesta en Chile. Sulet en la chapitala Santiago de Chile han la dumengia tenor indicaziuns da la polizia protestà stgars 100’000 persunas. Tenor ils organisaturs eran 300’000 persunas a la manifestaziun. Demonstraziuns hai era dà en var 50 ulteriuras citads en Chile.

Las protestas sa drizzan cunter il sistem da pensiuns introducì dal dictatur Augusto Pinochet il 1981. Cun quest sistem dependan las pensiuns da la rentabilitad dals fonds da pensiun. Ils protestaders pretendan uss da midar las cassas da pensiun en in sistem da redistribuziun sco l'AVS en Svizra.

RR novitads 08:30