Demonstraziuns cunter islamists en Tunesia

En la chapitala tunesiana Tunis han pliras 100 persunas demonstrà cunter in return d'uschenumnads dschihadists.

Demonstrants a Tunis che tegnan placats.

Legenda da maletgs: Demonstraziun cunter return da cumbattants islamistics a Tunis. Keystone

Organisà la demonstraziun han differentas organisaziuns nunguvernamentalas. Tenor ils organisaturs èn sa participadas a la demonstraziun radund 1'500 persunas. Dà l'impuls per la demonstraziun aveva la remartga dal president tunesian Béji Essebsi, che las autoritads na possian betg evitar il return da cumbattants islamistics.

Tenor las Naziuns Unidas cumbattan actualmain passa 5'000 Tunesians per organisaziuns islamisticas en l'exteriur, per gronda part en l'Irac,la Siria e la Libia. Blers d'els sajan pronts da turnar en la Tunesia.

L'attentat sin in martgà da Nadal a Berlin glindesdi passà aveva era commess in Tunesian. L'attentader era vegnì sajettà giu venderdi a Milaun da la polizia taliana.

RR novitads 21:00