Demonstraziuns cunter Brexit a Londra

A Londra ed en autras citads britannicas han pliras milli persunas demostrà cunter l'uschenumnà Brexit.

Differents demonstrants cun placats anti-Brexit tar Trafalgar Square.

Legenda da maletgs: Da novamain demonstraziuns cunter il Brexit a Londra - sco qua la fin da zercladur al Trafalgar Square. Keystone

En la chapitala britannica Londra sajan ils demonstrants marschads dal Hyde Park fin tar il bajetg dal parlament, rapportan agenturas da novitads.

En il parlament britannic duai quai dar glindesdi ina debatta davart in segund referendum pertutgant l'Uniun Europeica. La raschun per questa debatta è ina petiziun cun passa 4 milliuns suttascripziuns.

Ils 23 da zercladur 2016 eran ils Brits sa decis cun 52 per tschient da las vuschs da sortir da l'Uniun Europeica.

RR novitads 18:00