Siglir tar il cuntegn

Exteriur Demonstraziuns a Skopje

En la Macedonia han millis persunas demonstrà en la citad principala Skopje. Ellas pretendan ch’il num Macedonia vegnia mantegnì sco num da lur stadi. Quai rapportan diversas medias.

Purtret da demonstrants.
Legenda: A Skopje è vegnì demonstrà pervi dal num Mazedonia. Keystone

Ils demonstrants a Skopje èn sa radunads avant il biro da l’Uniun europeica ed han tegnì ad aut bandieras dal pajais. Els vulan ch'il num Macedonia restia sco num per lur pajais.

L'uniun europeica sa sprova da metter perina ina dispita tranter la Grecia e Macedonia. Ina provinza en il nord da la Grezia sa numna numnadamain era Macedonia e quai chaschuna dispita. L’uniun europeica era plain fidanza ch’ils dus pajais vegnian bainprest perina. Sco cumpromiss vegnan discutads divers nums cumponids.

RR novitads 06:00