Siglir tar il cuntegn

Header

Navigaziun

Demonstraziun ad Utrecht cun presenza da la polizia.
Legenda: La regenza ollandaisa aveva sentenzià la violenza cunter fugitivs. Keystone
cuntegn

Exteriur Demonstraziun cunter fugitivs en Ollanda

En la citad ollandaisa Utrecht ha la polizia stuì intervegnir tar ina demonstraziun da simpatisants da Pegida cunter fugitivs. Suenter che pliras bumbas da fim sajan vegnidas plazzadas, haja la polizia arrestà 10 persunas, rapportan las medias.

Per part hai era dà confruntaziuns tranter simpatisants da Pegida e cuntrademonstrants.

Attatga sin alloschi ha schoccà il primminister

La polizia da l’Ollanda investighescha vinavant en il cas, nua che pliras persunas han attatgà in alloschi provisoric per fugitivs. Il venderdi aveva ina gruppa d’umens giuvens bittà fieus artifizials ed ovs sin quest alloschi.

Il primminister ollandais Mark Rutte è sa mussà schoccà da las attatgas sin fugitivs.

Tgi è e tge vul „Pegida“?

„Patriotirsche Europäer gegen die Islamisierung des Abendlandes“ sa numna la gruppa che ha organisà la demonstraziun – abrevià „Pegida“.

La gruppa exprima cunzunt la tema, che l’islam pudess prender surmaun en Germania. La tema sa drizza concret cunter dunnas veladas e ch’ì pudess dar dapli moscheas che baselgias.

RR novitads 06:00