Siglir tar il cuntegn
Inhalt

Exteriur Demonstrà approximitad ed unitad

Il president dals Stadis Unids Donald Trump è s’inscuntrà cun il primminister dal Canada Justin Trudeau a Washington.

Dus politichers nordamericans.
Legenda: Armonia enstagl da critica tranter ils dus vischins. Reuters

Malgrà las differenzas cunzunt en la politica da migraziun, han els demonstrà unitad. Trump ha suttastritgà ch’ils Stadis Unids ed il Canada hajan fitg bunas relaziuns da commerzi.

Nus vegnin ad optimar las relaziuns cun il Canada in zic.
Autur: Donald TrumpPresident dals Stadis Unids

Areguard las midadas giavischadas tar la cunvegna da commerzi liber NAFTA, veglian ils Stadis Unids sulettamain optimar quella. La situaziun tranter ils Stadis Unids ed il Canada na saja betg da cumparegliar cun tranter ils Stadis Unids ed il Mexico.

Trudeau da l’autra vart ha suttastritgà quant impurtant che la cunvegna nordamericana saja per il Canada. Bleras plazzas da lavur dependian da NAFTA.

RR novitads 22:00