En la chombra dals represchentants han radund 100 democrats bloccà il pult dal president dal gremi. Alura è la sesida vegnida interrutta. La sesida è vegnida interrutta. Il parlamentari John Lewis ha ditg, el vegnia a seser quai fin che la votaziun è previsa. Uschia duai vegnir segirà che persunas ch’èn registradas sin las glistas da «No–Fly» na pon betg cumprar armas. Plirs represchentants dals democrats èn suandads al exempel da Lewis ed han alura prendì plaz dasper il pult.
Nagina finiziun da la chauma
Oz a bun’ura a las 4 temp svizzer ha il schef da la chombra da represchentants Paul Ryan empruvà d’interrumper la chauma cun laschar votar sur dad auters temas che la lescha d’armas. Ma success n’ha el betg giu. En il senat la segunda chombra parlamentara dals Stadis Unids avevan ils democrats dumagnà tras ina votaziun. Quella n’ha però betg survegnì il sustegn necessari.
Mazzament d’Orlando sco impuls
Suenter l’attentat d’in um sin in local da notg a Florida en la citad d’Orlando nua che 49 persunas eran vegnidas sajettadas giu è la dumonda da leschas pli severas per armas puspè sin maisa. Malgrà tals attentats vegn ina lescha nova ad aviar grev. Ils republicans han en omaduas chombras parlamentaras la maioritad.
RR novitads 06:00