Siglir tar il cuntegn

Header

Navigaziun

Polizia avant la scola da Trollhättan en Svezia.
Legenda: Il delinquent ha mazzà in scolast ed in scolar e blessà duas ulteriuras persunas. Keystone
cuntegn

Exteriur Delinquent ha mazzà ord odi cunter ils esters

In di suenter l’attentat en ina scola a Trollhättan en la Svezia va la polizia da quai anora ch’il delinquent haja mazzà ord odi cunter ils esters.

D'ina vart hajan els chattà chaussas en l'abitaziun dal delinquent che laschian supponer quai, ha ditg in pledader da la polizia. Lura haja il delinquent prendì en mira cun intenziun sias unfrendas, tuttas sajan d'oriund ester. Plinavant dettia il resti dal delinquent en sia abitaziun indizis sin quest motiv. Chaussas pli concretas n’ha la polizia dentant anc betg pudì dir.

Tar l'attatga aveva l'um da 21 onns mazzà in scolast ed in scolar. Duas ulteriuras persunas èn vegnidas blessadas grev. Silsuenter ha la polizia sajettà sin il delinquent ch’è mort pli tard en causa las grevas blessuras.

RR novitads 10.00