Siglir tar il cuntegn
cuntegn

Exteriur Deliberà trais ostagis en la Libia

Dus Talians ed in Canadais ch'eran vegnids rapinads il settember en la Libia èn vegnids deliberads la notg passada. Tenor il ministeri da l'exteriur a Roma sajan ils dus Talians gia arrivads a Roma.

Plazza aviatica a Tripoli
Legenda: Trais ostagis en la Libia èn vegnids transportads enavos en lur patria. Keystone

Ils trais umens eran vegnids rapinads ils 19 da settember datiers da lur plazza da lavur en la citad Chat en il sidvest da la Libia. Els avevan fatg part a projects per plazzas aviaticas en il desert datiers dal cunfin cun l'Algeria. En quest desert èn pliras gruppas armadas activas.

La liberaziun dals ostagis saja succedida en collavuraziun cun las autoritads da la Libia. Surpiglià la responsabladad per il rapinament n'aveva nagin.
Dapi ch'il dictatur Muammar al-Gaddafi è vegnì cupitgà il 2011, regia en la Libia in conflict tranter milissas islamisticas e forzas naziunalistas.

RR novitads 12:00