Deliberà 900 ostagis or dals mauns da Boko Haram

L'acziun haja durà 3 dis. Radund 100 cumbattants da la milissa terroristica èn vegnids mazzads.

L'armada dal Camerun deliberescha ostagis or dals mauns da Boko Haram.

Legenda da maletgs: L'armada dal Camerun deliberescha ostagis or dals mauns da Boko Haram. Reuters

L'armada dal Camerun ha tenor atgnas indicaziuns mazzà 100 cumbattants da la gruppaziun terroristica Boko Haram. Quai rapporta il ministeri da defensiun. En l'acziun che ha cuzzà 3 dis sajan 900 ostagis vegnids liberads. Davart l’identitad dals ostagis n'è vegnì enconuschent nagut.

A l'armada saja reussì da segirar in grond dumber dad armas e muniziun. Latiers hajan ils schuldads confiscà bandieras da la milissa terroristica Stadi Islamic. Il Stadi Islamic e Boko Haram èn alliads.

Dapi il 2009 cumbatta Boko Haram per in stadi da Dieu en il nord dal pajais vischin, la Nigeria. Dad attatgas da la milissa terroristica èn dapi lura almain 14'000 persunas mortas.

RR novitads 17:00