Siglir tar il cuntegn

Header

cuntegn

Exteriur Delfins crappads sveglian tema

Pli che 150 delfins èn ids a terra en il Giapun. Quai han sveglià temas tar la populaziun d'in nov terratrembel.

En l'internet sa derasan commentaris che regordan dad in sumegliant incident curt avant la catastrofa dal terratrembel e tsunami il 2011. La regenza punctuescha però ch'i na dettia nagins indizis scientifics per in tal connex.

Mort da delfins anc betg sclerida

Suenter ch'igl è vegnì fatg l'obducziun dals cadavers dals delfins n'èsi anc adina betg cler pertge ch'ils animals èn crappads. Indizis per malsognas n'èn betg vegnids scuverts.

Ils delfins dal pichel lad vivan normalmain en il bass da l'ocean. Il mars 2011 eran 50 tals delfins ids a terra, paucs dis pli tard avevan in devastant terratrembel ed in tsunami tutgà il Giapun.

RR novitads 11:00

Artitgels legids il pli savens