Siglir tar il cuntegn
Inhalt

Exteriur Delegads da la CDU din cleramain gea a la coaliziun gronda

La CDU ha dà glisch verda a la cunvegna da coaliziun cun la CDU e la SPD, quai cun ina clera maioritad. Al di da partida han be 27 dals prest 1000 delegads vuschà encunter la nova ediziun da la coaliziun nair-cotschna.

Angela Merkel che va giu da tribuna.
Legenda: In ultim obstachel resta anc per Angela Merkel: la votaziun dals delegads da la SPD. Keystone

Curt e concis:

  • 975 dals delegads da la CDU han vuschà per la coaliziun, 27 encunter
  • l'ultim pled sch'i vegn tar la coaliziun gronda han ils delegads da la SPD

In'ultim obstachel resta però anc. Er ils delegads da la SPD ston anc approvar la nova cunvegna tranter las 3 paridas. Il resultat da la votaziun duai vegnir dà enconuschent la dumengia proxima. La CSU aveva gia approvà la cunvegna.

La dumengia aveva la chanceliera Angela Merkel preschentà ses cabinet futur. Cun l'elecziun è ella vegnida encunter a ses critichers interns. Tranter auter duai ses contrahent conservativ Jens Spahn (37) daventar nov minister da sanadad.

Suenter las elecziuns dal parlament dal settember avevan la CDU e la CSU l'emprim anc negozià cun ils liberals ed ils Verds davart ina regenza. Ils discurs avevan però fatg naufragi. En consequenza è l'uniun entrada en contractivas cun la SPD.

RR novitads 18:00