Tenor il ministeri da finanzas è il deficit per quest onn fiscal sa reducì per 44 milliardas sin 439 milliardas dollars cumpareglià cun l'onn avant. Quai èn 2,5% dal product naziunal brut. I sa tracta dal meglier resultat dapi 7 onns.
Deficit da sur 1 billiun dollars durant plirs onns
Per surmuntar la crisa economica aveva la regenza americana accumulà in deficit da passà 1 billiun dollars per mintg’onn fiscal tranter il 2009 ed il 2012.
Actualmain debatteschan ils democrats ed ils republicans en il congress american davart in nov budget.
RR novitads 09:00