Siglir tar il cuntegn
Inhalt

Exteriur Decret per serrar ovra atomara da Fessenheim

L’ovra atomara da Fessenheim en Frantscha vegn definitivamain serrada.

Ovra atomara da Fessenheim en Frantscha.
Legenda: Ovra atomara da Fessenheim en Frantscha. Keystone

La regenza franzosa ha decis in decret per serrar l’ovra atomara dispitaivla da Fessenheim. L'ovra atomara sa chatta 40 km al nord da Basilea. Quai ha communitgà la ministra d’energia e da l’ambient Ségolène Royal.

Sco che diversas agenturas da novitads scrivan, dependa la serrada però dad in reactur nuclear modern che stuess vegnir mess en funcziun a Flamanville. E quai è probablamain pir il 2019 il cas.

En il cumbat electoral aveva il president franzos François Hollande empermess da serrar l’ovra atomara da Fessenheim durant ses temp d’uffizi.

RR novitads 11:00