Siglir tar il cuntegn

Header

cuntegn

Exteriur Decisiuns aifer paucas uras

L'Ungaria ha endrizzà duas zonas da transit per fugitivs al cunfin cun la Serbia. Là duai vegnir decis aifer paucas uras davart dumondas d'asil. Quai ha ditg in pledader da la regenza.

En il nord da la Serbia èn entant tschients da fugitivs sa fultschads tras ina barricada che la polizia ungaraisa aveva endrizzà. La regenza serba ha entant appellà a l'Ungaria da puspè avrir il cunfin per ils migrants.

Dapi mesanotg vala l'immigraziun illegala en l'Ungaria sco delict. Dapi lura ha la polizia gia arrestà 60 migrants. Ad els smanatscha in chastì da praschun da fin 5 onns.

Ina saiv er vers la Rumenia

Suenter la saiv envers la Serbia vul l'Ungaria ussa er construir ina saiv da cunfin tar la Rumenia. Dapi ch'il cunfin ungarais-serb saja serrà tschertgian ils deportaders ussa rutas alternativas sur la Rumenia, argumentescha il minister da l'exteriur ungarais Peter Szijjarto.

RR novitads 15.00

Artitgels legids il pli savens