Debbie Reynolds mora be in di suenter sia figlia

Debbie Reynolds mora in di suenter sia figlia Carrie Fischer era pervi d'ina insuffizienza dal cor. Ils 23 da december aveva Fisher gì in’attatga dal cor, pareva dentant d’esser stabila. Ella era cunzunt enconuschenta pervi da sia rolla sco ‘princessa Leia’ en ils films da «Star Wars».

Purtert da Debbie Reynolds cun sia feglia Carrie Fisher.

Legenda da maletgs: L'actura Debbie Reynolds è morta be in di suenter sia figlia Carrie Fisher. Keystone

Purtret da Gene Kelly vid la laterna.

Legenda da maletgs: Ensemen cun Gene Kelly ha Reynolds giugà en il musical «Singing in the Rain». Keystone

Tenor sia famiglia è Debbie Reynolds morta d'ina insuffizienza dal cor. Ella ha gì 84 onns. Vegnida enconuschenta era Reynolds cunzunt grazia a sia rolla en il musical «Singin'in the Rain» l'onn 1952.

Tenor il portal da medias «TMZ» saja Reynolds vegnida en l'ospital mesemna suentermezdi pervi d'ina insuffizienza dal cor. Quai suenter ch'il fegl Todd Fisher aveva clamà l'ambulanza tar sia chasa a Beverly Hills. Curt avant haja el anc discurrì cun sia mamma davart la sepultura da sia sora Carrie.

Carrie Fisher u «princessa Leia» è morta in di avant sia mumma

L'actura americana Carrie Fisher, la princessa Leia da la seria da films «Star Wars», è morta a Los Angeles.

Harrison Ford sco Han Solo, Carrie Fisher sco princessa Leia e Marc Hamill sco Luke Skywalker.

Legenda da maletgs: Trais 'confederads' da l'istorgia da film: Harrison Ford sco Han Solo, Carrie Fisher sco princessa Leia e Marc Hamill sco Luke Skywalker (d. san.), Keystone

L'actura da 60 onns saja morta il mardi avantmezdi, ha infurmà in pledader da la famiglia la revista americana «People». Er differentas autras medias ed agenturas rapportan da la mort da l'actura.

Avant paucs dis aveva Fisher gì in'attatga dal cor durant in sgol, curt avant che l'aviun da Londra era atterrà a Los Angeles.

Sco giuvna da 19 onns aveva la rolla da la Leia en Star Wars fatg enconuschenta Carrie Fisher.

Auters films cun Carrie Fisher èn «Harry und Sally» e «Blues Brothers». Fisher ha era publitgà otg cudeschs, tranter auter avant curt si'autobiografia «The princess diarist».

RR novitads 20:00