La maschina dal tip Antonow -148 saja sparida curt suenter la partenza dal radar. Ella saja stada sin via en direcziun da la citad Orsk en l'Ural. L'aviun tutgia a la societad aviatica russa «Saratow Airlines». Las forzas da salvament hajan chattà pliras baras en in vitg datiers da la chapitala russa rapporta l’agentura da novitads Intefax.
Dapli indicaziuns uffizialas na datti il mument anc betg. Er n'è la raschun per l'accident betg enconuschenta.
Pliras crudadas
Crudadas d'aviuns èn en russia nagina raritad. En tut hai dà dapi il 2010 almain quatter grevs accidents d'aviuns da passagiers civils cun totalmain 240 morts. La davosa crudada è capitada il mars 2016. Lura è ina Boeing 737-800 da Dubai crudada tar in stemprà sin l'eroport da la citad Rostow. 50 persunas èn mortas, nagin ha survivì l'accident.
RR novitads 14:00++