Siglir tar il cuntegn
Inhalt

Exteriur Dapli violenza cunter requirents d'asil en Germania

La polizia tudestga observa adina dapli violenza d'extremists da la dretga. Principala mira da la violenza èn alloschis per requirents d'asil.

Pumpiers avant ina chasa da pliras famiglias.
Legenda: La violenza cunter requirents d'asil en Germania è s'augmentada. Keystone

L'uffizi federal criminal da la Germania BKA ha dumbrà sulettamain il terz quartal da quest onn 285 delicts cunter alloschis per requirents d'asil. Quai dapli che l'entir onn passà.
La polizia tudestga tema, che la violenza sa drizza pli savens era cunter commembers d'organisaziuns d'agid e politichers che sustegnan fugitivs en ina moda u l'autra. A Cologna era la nov elegida burgamestra Henriette Reker in di avant las elecziuns vegnida blessada grev tar in'attatga cun in cuntè.

RR novitads 16:00