Siglir tar il cuntegn
cuntegn

Exteriur Dapli viagiaturs cun Flixbus

L'interpresa da bus tudestga Flixbus ha pudì augmentar il dumber da passagiers l'onn passà per 20% en Svizra.

In bus da Flixbus da davant fotografà vers il tschiel.
Legenda: Flixbus ha transportà il 2017 20% dapli passagiers en Svizra. Keystone

L'interpresa da bus da la Germania Flixbus è vinavant sin curs d'expansiun. Il 2017 ha l'interpresa pudì transportar tenor atgnas indicaziuns 1,2 milliuns passagiers en Svizra. Cumpareglià cun l'onn avant èn quai 20% dapli. Davent da Turitg ha Flixbus l'onn passà purschì novas colliaziuns en l'Italia – uschia a Como, Bologna, Firenza e Roma. E davent da Luzern hai dà novas lingias da bus a Milaun, Venezia e Strasbourg.

Expansiun en tut l'Europa

En l'entira Europa han clients fatg en tut 40 milliuns viadis en ils bus verds, scriva Flixbus. L'onn avant aveva l'interpresa dumbrà 30 milliuns viadis. Flixbus è activ en divers pajais da l'Europa ed expandescha er en ils Stadis Unids. La gronda part da sias fatschentas fa l'interpresa dentant en Germania, nua che sia part al martgà da traffic da bus a distanza munta a 94%.

RR novitads 10:00