Siglir tar il cuntegn
cuntegn

Exteriur Dapli turists en tut il mund

L’onn passà hai dà en tut il mund 7% dapli turists. Quai è stà il pli grond augment dapi 7 onns. Il creschament hai oravant tut dà en l'Europa, nua che 8% dapli turists eran en viadi.

Paris.
Legenda: Il pli popular era la Frantscha il 2017 tar ils turists. Keystone

1,3 milliardas turists internaziunals hajan passentà almain ina notg en lur destinaziun, ha communitgà l’organisaziun mundiala per il turissem UNWTO. Las cifras da l’UNWTO èn provisoricas. Cifras concretas vul l’organisaziun publitgar questa primavaira.

Ils favurits dals turists

Tenor las stimaziuns è la Frantscha la destinaziun la pli populara. Suenter vegn la Spagna e lura ils Stadis Unids. L'America dal Nord hagì 2% dapli turists, quai dentant surtut stimulà tras il Canada ed il Mexico, dentant betg dals Stadis Unids da l'America. Indicaziuns detagliadas fa la UNWTO dentant betg.

RR novitads 18:00