Siglir tar il cuntegn

Header

cuntegn

Exteriur Dapli per segirezza da l’Uniun europeica

Ils 27 stadis commembers da l’Uniun europeica ston far dapli per defensiun e la segirezza da l’UE. Da quest avis èn la chanceliera tudestga Angela Merkel e il president franzos François Hollande.

Il mument saja quai evident ch’ins stoppia far dapli per la segirezza. Quai pervi dal terrorissem islamistic e la guerra civila en Siria, ha ditg Merkel sin l'insla taliana Ventotene al vest da Napoli. Era duai quai dar en futur dapli cooperaziun militara.

Discussiuns co agir suenter Brexit

Sin l’anteriura insla da praschun Ventotene èn s’inscuntrads Angela Merkel, François Hollande ed il primminister talian Matteo Renzi per discutar davart il futur da l’UE suenter il Brexit. Renzi ha accentuà che l’UE respectia la decisiun dals Brits. Uss cumenza per l’Europa in nov futur. Nagin dad els crain ch’ils problems actuals sajan levs da schliar. Blers crain dentant che l’Europa saja il problem ma quai exact il cuntrari, ha ditg Renzi.

RR novitads 06:00

Artitgels legids il pli savens