Siglir tar il cuntegn
Inhalt

Exteriur Dapli martganzia sin ils binaris

Sin l'autostrada dal Brenner duain circular damain camiuns. Ils pajas pertutgads elavuran mesiras correspundentas.

Autostrada cun colonnas da camiuns.
Legenda: Sin l'autostrada dal Brenner duain circular damain camiuns. Keystone

La Germania, l’Austria e l’Italia vulan spustar pli blera martganzia dals camiuns sin ils trens sin il Brenner. Fin il matg duain vegnir elavuradas mesiras concretas. Sin quai èn sa cunvegnids ils represchentants dals trais pajais e dal Bundesland Tirol. A l’inscunter a Minca è stà da la partida era il cumissari da l’UE per il traffic Pat Cox. El ha surpiglià la funcziun d'intermediatur.

Il Tirol ha gia pliras giadas limità il dumber da camiuns sin il Brenner, sin 300 camiuns per ura. Quai per limitar la canera e la polluziun da l’aria. Ma tras questa mesira hai dà dispita cun l’ester.

RR Novitads 07:00