Siglir tar il cuntegn
Inhalt

Exteriur Dapli dumondas da repatriar uffants rapinads a l’ester

L’onn passà han contactà 62 giadas mammas u baps l’Uffizi federal da giustia cun la supplica da purtar enavos lur uffants - ch’èn vegnids rapinads da l'auter genitur a l’ester.

La chasa federala cun bandiera.
Legenda: L’onn passà han mammas u babs contactà 62 giadas l’Uffizi federal da giustia cun la supplica da purtar enavos lur uffants. Keystone

Uffants vegnan rapinads da l'atgna mamma u da l'atgen bap en lur pajais d'origen: Quests dramas datti pli e pli.

Sco che las gasettas Zentralschweiz am Sonntag e Ostschweiz am Sonntag han rapportà, n’hai ils ultims 10 onns mai dà uschè bleras dumondas da repatriar uffants sco l'onn 2016. Las gasettas sa refereschan a cifras da l’Uffizi federal da giustia.

En 1/3 dals cas hajan ils geniturs chattà l'onn passà ina soluziun, che ha per regla giù la conseqeunza ch'ils uffants han pudì turnar. Set giadas han tribunals ordinà, ch'ils uffants stoppian vegnir purtads enavos en Svizra – trais giadas n'haja quai betg funcziunà, scriva la gasetta.

Las cifras mussan dentant mo ina part da la tragedia, numnadamain cas, nua ch’in uffant è vegnì rapinà en in pajais ch’ha suttascrit la cunvegna da Den Haag davart il rapiment d’uffants. Quai èn actualmain var 100 pajais en tut il mund.

RR novitads 12:00+