En il cumbat cunter il terror pon ils stadis europeics impedir en l'avegnir pli simpel che dschihadists potenzials cun pass europeic arrivan en l'Uniun europeica u bandunan quella.
Ils cumissaris da l'UE han decis las midadas en l'uschènumnà sistem d'infurmaziun da Schengen.
Uschia possian ins far dapli controllas e barattar pli spert las datas davart terrorists probabels. Investigaders pon confiscar ils pass da las persunas suspectadas ed arrestar quellas.
