Siglir tar il cuntegn
Inhalt

Exteriur Dapli che 4 milliuns fugitivs da la Siria

Passa 4 milliuns persunas èn fugidas da la guerra civila en la Siria en l'exteriur. Quai è 1 milliun dapli ch'avant 10 mais ed il dumber dals fugitivs crescha vinavant, communitgescha la UNHCR, l'ovra d'agid da fugitivs da l'ONU.

Blers fugitivs da la Siria.
Legenda: En l'Afganistan aveva l'UNHCR l'onn 1992 la davosa giada provedì passa 4 milliuns fugitivs. Keystone

Tar quai dumber vegnan tenor indicaziuns da l’ONU anc 7,6 fugitivs interns, pia en la Siria. Il dumber da 3 milliuns fugitivs era vegnì surpassà l’avust 2014. Betg in auter conflict dals davos 25 onns haja stgatschà dapli umans ord il pajais che la guerra en la Siria.

Da protests paschaivels tar ina guerra civila

La primavaira 2011 eran protests paschaivels cunter il dictatur Baschar al-Assad sa schlargiads tar ina guerra civila. Dapi lura èn dapli che 230’000 persunas vegnidas mazzadas en in conflict.

RR novitads 11:30