Siglir tar il cuntegn
Inhalt

Exteriur Dapli attentats da suicidi tras uffants en plirs stadis africans

En Nigeria ed ils pajais vischins èn ils attentats da suicidi commess d’uffants 10 giadas pli autas ch’anc avant in onn. Quai ha communitgà l’Ovra d’agid per uffants da las Naziuns Unidas UNICEF.

Uffants en in ospital en Nigeria.
Legenda: Uffants vegnan savens malduvrads tras Boko Haram per commetter attatgas da suicidi. Keystone

En ils stadis africans da la Nigeria, il Camerun, il Tschad ed il Niger ha ì dà tut en tut 44 attentats commess da minorens che sajan vegnids malduvrads da terrorists per quest intent, scriva UNICEF. Trais quarts dals attentaders sajan stadas mattatschas. Davos quests crims vegn supponi la milissa terroristica Boko Haram. Tar attatgas da Boko Haram èn mortas l’onn passà almain 14’000 persunas.

RR novitads 10:00