Siglir tar il cuntegn
Inhalt

Exteriur Danemarc sa participescha vinavant a l'acziun cunter SI

Era suenter ils attentats a Kopenhagen sa participescha il Danemarc cun aviuns d'armada cunter la gruppa terroristica stadi islamic.

La primministra Helle Thorning-Schmidt fa vinavant frunt a la gruppa da terror Stadi islamic.
Legenda: La primministra dal Danemarc La primministra Helle Thorning-Schmidt fa vinavant frunt a la gruppa da terror Stadi islamic. keystone

Malgrà las attatgas a Kopenhagen sa participeschia l'aviatica militara dal Danemarc vinavant a l'acziun internaziunala cunter la milissa terroristica Stadi islamic en l'Irac, quai ha ditg la primministra Helle Thorning-Schmidt avant las medias.

Ella valitescha ils sajets mortals da la fin d'emna sco attatga sin la libertad da s'exprimer e sin la libertad da reuniun. Sin quai reageschia il pajais decidì e resolutamain. La sonda aveva in um da 22 onns sajettà giu duas persunas e blessà 5 policists avant ina sinagoga.