Siglir tar il cuntegn

Header

Navigaziun

In schuldà iracais è vi dal chargiar rachetas
Legenda: Conflicts armads han chaschunà la mort da passa 160'000 persunas Reuters
cuntegn

Exteriur Damain unfrendas entras conflicts armads

L'onn 2015 èn mortas sin l'entir mund damain persunas che l'onn avant. Tut en tut han radund 167'000 persunas pers lur vita durant conflicts.

80% da las unfrendas èn mortas en in dals sis gronds conflicts en la Siria, l'America centrala, il Mexico, en l'Afghanistan, en la Nigeria e l'Irac. Quai resulta d'in rapport da l'Institut internaziunal per studis strategics da Londra.

Tenor il studi èn mortas sulet en il conflict en la Siria 55'000 persunas. Passa la mesadad dals mortoris haja dà en ils conflicts en il Mexico e l'America centrala.

Tut en tut sajan dentant mortas 13'000 persunas pli pauc che l'onn avant. Malgrà ch'i dettia il mument damain conflicts ch'avant in decenni sajan dapli persunas sin la fugia, ha ditg il schef da l'institut IISS, John Chipman a Londra. Avant trais onns discurriva l'institut da 33 milliuns fugitivs - l'onn passà sajan quai stads 46 milliuns.

RR novitads 12:00