Siglir tar il cuntegn
Inhalt

Exteriur Damain turists visitan Paris

Suenter las attatgas da terror a Paris dal november 2015 è il dumber da turists en la chapitala franzosa sa reducì il 2016.

Tour Eiffel a Paris.
Legenda: Damain turists vistian Paris. Sco qua tar la Tour Eiffel. Keystone

A Paris è il dumber da turists sa reduì suenter las attatgas da terror. Uschia han 1,5 milliuns turists pli pauc visità la chapitala franzosa. Quai communitgeschan ils responsabels dal turissem da la citad.

Quai è in minus da 4,7% en cumparegliaziun cun il 2015. Il dumber dals turists ord l’exteriur è sa reducì anc pli marcant per 9%.

Uschia èn vegnids 41% damain Giapunais, var 28% damain turists Russ, 26% damain Talians e 22% damain Chinais a Paris. La cifra dals turists dals Stadis Unids è sa reducida per be 5%. Questa reducziun da turists muntia ina perdita d’entrada da bunamain 1,3 milliardas euro.

RR novitads 16:00