Siglir tar il cuntegn
cuntegn

Exteriur Damain fugitivs en Grezia durant l'avrigl

Il mais d’avrigl èn arrivads marcantamain damain fugitivs da la Tirchia en la Grezia ch’avant in onn. L’ovra d’agid da l’ONU UNHCR ed il stab per fugitivs da la Grezia han registrà 3’469 per il mais passà. L’avrigl 2015 eran quai 13’556.

In fugitiv sin in prà en Grezia.
Legenda: Er durant ils prims dis da matg èn paucs fugitivs arrivads. La fin d’emna èn be arrivadas 112 persunas da la Tirchia sin las inslas greccas. Keystone

Il mais d'avrigl èn marcantamain damain fugitivs arrivads da la Tirchia en la Grezia. Er en cumparegliaziun cun ils prims trais mais da l'onn è la cifra tschessada marcantamain. Il schaner eran quai anc 67'400 fugitivs, il favrer 57'000 ed il mars stgars 27'000.

Tramess enavos 400 fugitivs en la Tirchia

La sminuziun marcanta vegn attribuida a la cunvegna da fugitivs tranter l'UE e la Tirchia. Dapi che quella è en vigur pon fugitivs illegals vegnir tramess enavos a la Tirchia. Avant quest pass pon ils fugitivs dentant far ina dumonda d’asil. Fin uss èn stgars 400 migrants vegnids tramess enavos en la Tirchia.

Tenor indicaziuns da l’Organisaziun internaziunala per migraziun èn il 2016 mortas u sparidas 1’343 persunas sin la Mar Mediterrana.

RR novitads 10:00