Siglir tar il cuntegn

Exteriur Damain dischoccupads en Spagna

Il dumber da dischoccupads è sa sminui en Spagna per 1,3 % sin uss circa 4,5 milliuns dischoccupads. Dapi il favrer va il dumber enavos, quai ha communitgà il ministeri da lavur spagnol.

Persunas stattan en colonna avant in biro per dischoccupads
Legenda: Persunas stattan en colonna avant in biro per dischoccupads a Madrid. Reuters

Cunzunt en il sectur da servetschs è il dumber sa sminui per 7,2 %, quai èn circa 344’000 plazzas da lavur. La regenza spagnola quinta che l’economia creschia quest onn per circa 2,5 %. Il 2014 era l’economia da la Spagna creschì per 1,4 %. Quai era l’emprim pli grond augment dapi il 2008 cura che la crisa d’immobiglias ha chaschunà ina recessiun en Spagna.

Il dumber actual da dischoccupads è dapi l’onn 2002 mai pli stà uschè bass. La Spagna è la quart gronda economia publica en la zona d’euro.

RR novitads 11:30