Siglir tar il cuntegn

Exteriur Da la Macedonia a la Republica Macedonia dal nord

Suenter passa 25 onns dispitar davart il num finalmain in resultat. En l'avegnir duai la Macedonia avair num Republica Macedonia dal nor. Quai han communitgà ils primministers Zoran Zaev da la Macedonia ed Alexis Tsipras da la Grezia.

conferenza da medias, a dretga il primministers da la Macedonia, Zoran Zaev
Legenda: Il primminister da la Macedonia, Zoran Zaev, prenda posiziun suenter la cunvegna dal num. Keystone

Ils dus parlaments ston anc approvrar quest cumpromiss. En la Macedonia duai er anc dar in referendum.

La schliaziun pudess dar chatsch a las intenziuns da la Macedonia per daventar commember da l'UE sco er da la Nato. La dispita dal num ha engrevgià blers onns las relaziuns tranter la Grezia e ses vischin en il nord.

Dispita dapi ils onns 90

Il conflict va enavos sin l'onn 1991 cura che l'anteriura sutrepublica da la Jugoslavia ha declerà sia independenza ed ha dà a sasez il num Macedonia. La Grezia ha temì ch'il vischin pudessia cun quest num pretender insatge da la provinza grecca cun il medem num.

RR novitads 10:00