Siglir tar il cuntegn
cuntegn

Exteriur Da grondas speranzas fin tar l’ignoranza

Ina curta retschertga betg represchentativa en la Vuclina demussa ch’ils abitants da la val vischinanta da la Svizra na san anc betg propi bler da l’exposiziun mundiala a Milaun che dura dals prim da matg fin la fin d’october 2015.

in pavailion cotschen da l'expo
Legenda: Il prim da matg cumenza la ExpoMilano 2015 Keystone

Per la gronda part dals dumandads è dentant cler che l’Expo na vegn betg a purtar dapli giasts en la regiun turistica suenter l’exposiziun.

La tema è gronda che l’Italia na sa mussa betg da sia meglra vart durant ils proxims ses mais. Uschia è per exempel gia uss cler che l’Expo na vegn betg ad esser pronta per il di da l’avertura. Era las novas vias ch’ins ha fabritgà aposta in vista a l’exposiziun n’èn betg finidas a temp.

Daners da la mafia

Sin la dumonda danunder ch’ils mezs finanzials derivan per realisar in’exposiziun mundiala, respundan ils pli blers, ch’els na san betg, ma ch’els supponan da la mafia. Tuttina han blers l’intenziun dad ir almain a visitar ina giada l’ExpoMilano.