Exteriur Da «AfD» tar «Alfa»

En Germania survegn la partida conservativa da dretg «Alternative für Deutschland» AfD concurrenza. Ses anteriur schef Bernd Lucke è vegnì elegì sco schef da la nova partida cun il num: «Allianz für Fortschritt und Aufbruch», curt Alfa. Quai rapporta pliras agenturas da novitads.

Sco la AfD crititgescha era la Alfa il curs da salvament da l'euro.

Latiers vul Alfa rinforzar ils dretgs dals burgais e la politica d'asil duai daventar in dals temas centrals.