Siglir tar il cuntegn

Header

cuntegn

Exteriur Cussegl arctic vul proteger meglier il clima

Il Cussegl arctic, in forum dals stadis vischins da l’Arctica, vul rinforzar sias stentas per cumbatter la midada dal clima. Er ils Stadis Unids èn persuenter, quai malgrà la tenuta sceptica dal president american en connex cun la protecziun dal clima.

Cun quitads prendia il cussegl enconuschientscha che las temperaturas en las regiuns polaras creschian duas giadas pli spert ch’en il rest dal mund, hai num en la decleranza finala da la conferenza. Plinavant pretenda il Cussegl arctic da reducir ils gas cun effect da serra. Las finamiras da l’ONU stoppian vegnir realisadas fin il 2030.

Svizra survegn status d’observatur

Ils otg stadis cunfinants da l’Arctica ed ils represchentants dals pievels indigens concedan a la Svizra il status d’observatur en lur cussegl. Sco observatur n’ha la Svizra nagin dretg da cogestiun u da votar, ma ella survegn invista en la lavur dal Cussegl arctic e dastga sa participar a ses projects. La Svizra è il 13avel stadi betg arctic cun status d’observatur.

Ils Stadis Unids, il Canada, la Finlanda, la Svezia, la Norvegia, il Danemarc e l’Islanda han fundà il Cussegl arctic l’onn 1996 ensemen cun represchentants dals pievels indigens, quai cun la finamira da promover la protecziun dal clima e la segirezza al Pol dal Nord.

RR actualitad 07:00

Artitgels legids il pli savens