L'Oman ha saramentà il nov sultan – suenter che Sultan Kabus bin Said è mort en la vegliadetgna da 79 onns. Ses successur daventa ses cusrin Haitham bin Tarik al Said, quai communitgescha la regenza da l'Oman via Twitter. Quel era fin ussa il minister da cultura.
Sultan Kabus ha regì l'Oman dapi il 1970. Sut ses reginavel è la peninsla araba sa stentada per ina tenuta equilibrada en las crisas da la regiun.
Il sultan ha plinavant modernisà e stabilisà l'Oman. A medem temp ha el però regì il pajais sco suveran absolut. I dat bain in parlament – quel n'ha però naginas cumpetenzas.
RTR novitads 11:00