Cunvegna d’atom cun l’Iran dumogna prim obstachel

En il senat american n'èsi betg reussì als republicans da bloccar la cunvegna d'atom cun l'Iran. Tar ina votaziun da proceder han els manchentà il dumber necessari da 60 vuschs.

Barack Obama durant il pled.

Legenda da maletgs: Barack Obama po festivar la «victoria da la diplomazia». Keystone

Questas fissan stadas necessarias per insumma pudair votar davart la cunvegna. Uschia han ils democrats segirà al president Barack Obama il success en la probablamain pli impurtanta fatschenta da la politica exteriura durant sias duas periodas d'uffizi.

«  Quai è ina victoria per la diplomazia.  »

Barack Obama
president dals Stadis Unids

Ils Stadis Unids hajan negozià bunamain dus onns per evitar ch’il pajais construeschia bumbas atomaras. Questa votaziun saja ina victoria per la diplomazia, per la segirtad naziunala americana e per la protecziun en l'entir mund, ha fatg a savair Obama.

RR novitads 06:00